SANTI PREGO

Santi Prego é actor de teatro, cine e TV, titiriteiro e narrador oral. Comezou a contar a mediados dos anos ’90 en institutos presentando un repertorio que incluía contos con participación, contos improvisados, contos tradicionais galegos e contos con bonecos, nun estilo visual e poético.

As súas historias pasaron por teatros, casas da cultura, bibliotecas e programas da televisión como Apaga a lus e tamén na Radio Galega.

Na actualidade forma parella artística con Jorge de Arcos, presentando un espectáculo de literatura oral improvisada coa participación do público. No seu espectáculo, ás veces dan certo, e dase un momento altamente poético. Pero é moito máis divertido cando os vemos fracasar.